من بدايه 2024 لحد النصف الثاني من 2025 اللي حصل في السوق العقاري
من آخر ٢٠٢٣ وأول ٢٠٢٤ وحتي نهايتها كان فيه مجموعه من القرارات … بعضها كان صح، وبعضها كان غلط. خلينا نفهم أكتر مع بعض .
الاول هنقسم المناطق وده نتيجه اني السوق العقاري في مصر ملوش سلوك موحد كلكل ولكن كل منطقه ليها سلوك خاص بيها .
الساحل الشمالي: رأس الحكمة والضبعة في الصدارة في سبتمبر 2024، الإعلان عن مدينة رأس الحكمة غيّر خريطة السوق تمامًا. أسعار البيع في رأس الحكمة نطّت بنسبة 75%، ومعاها الضبعة وسيدي حنيش بنسبة 68%.
اللي اشترى في المناطق دي قبل كده كسب مكاسب ضخمة تصل الي ٢٠٠٪ و٣٠٠٪، ومع سقف التسعير اللي ارتفع، التوقعات بتقول إن النص التاني من 2025 هيكون فيه تغيرات أكبر، لكن حركة الشراء بقت أهدى وده طبيعي بعد الطفرات الكبيرة.
المتاح عند المطوريين حاليا مش كتير بس لسا في فرص نتكلم فيها بس هنبص عليها بالشوكه والسكينه.
شرق القاهرة
التجمع الخامس والمستقبل سيتي في الصدارة التجمع الخامس والمناطق المحيطة بيه عليها طلب كبير جدًا، لكن اللي خطف الأنظار هو مستقبل سيتي في نهايه 2024 ولكن في 2025 الوضع هادي جدا فيها .
أسعار المتر في المستقبل سيتي زادت بنسبة 25% خلال 2024، ومع اللوكيشن المميز والبنية التحتية اللي بتتطور بسرعة مفترض في خلال فتره قصيره تبدء تتربع علي عرش المناطق المحترمه في مصر
أما التجمع السادس ، فهو في مرحلة الإنطلاق مع مشاريع كبيرة زي “زد” و”مراكز”، ومشروع سعاده وهايدبارك والكازار واللي متوقع إنها ترفع القيمة الاستثمارية للمنطقة بشكل كبير في السنين الجاية وبالفعل الطلب متزايد عليها بشكل كبير في الربع الاول والثاني من 2025.
التجاري والإداري
في بداية 2024، السوق التجاري والإداري كان بطيء شوية في مناطق زي التجمع الخامس وزايد، لكن مع نهاية السنة، الطلب زاد بشكل كبير وخصوصًا في التجمع الخامس.
رغم صعوبة عملية إعادة البيع (Resale)، إلا إن الوحدات التجارية والإدارية بتثبت نفسها كاستثمار مضمون بعوائد مستقرة
العين السخنة جايه في الطريق بسبب المشاريع القويه زي “تطوير مصر” المونت جلالة” وازها السخنه ،،المنطقة أثبتت إنها مش مجرد وجهة صيفية بل بالعكس موسم الشتاء بيشغل السوق هناك أكتر من أي وقت
السوق في البحر الأحمر كان أبطأ شوية خصوصًا في إعادة البيع، لكن المنطقة بتفضل خيار مميز بفضل التطورات السياحية المستمرة وبعد دخول إعمار ب 2000 فدان هيغير الموازين .
طب اي اللي متوقع في النصف الثاني من 2025
سوق دبي : السوق هناك هيشد جزء كبير من استثمارات المصريين بفضل المشاريع الجديدة وفرص الاستثمار المحترمه ..
العاصمة الإدارية* : البرج الأيقوني وتطور المناطق الجديدة هيخلوا العاصمة واحدة من أكتر المناطق المطلوبة، والأسعار متوقع ترتفع بشكل كبير في نهايه ٢٠٢٥.
زايد* : مشاريع جديدة جاية في الطريق، والسوق هيتحرك بشكل أسرع.
الساحل* : الطلب عليه طبيعي وثابت، لكن بأسعار أعلى بكتير عن السنين اللي فاتت نتيجه الصفقات الجديده واللي هيتم إعلان البيع فيها بشكل رسمي في نهايه ٢٠٢٥ .
التجمع الخامس:* وصل لأعلى سعر للمتر، لكنه دايمًا مطلوب لأنه منطقة حيوية وسكنها مكتمل ومحتاج خدمات أكتر.
2024 كانت سنة القرارات الكبيرة، والفرص اللي استغلها اللي كان عارف يتحرك في الوقت ولسا في فرص كويسه .
دا غير ان شوفت قرارات غلط نتيجه
- ان البعض اختار أماكن مش مدروسة كويس.
- ناس تسرعت في الشراء بسبب العروض المغرية بدون ما تفكر في قدرتها
- وفيه ناس دخلت لمجرد انها عرفت ان في فقعه او ركود او تضخم من غير ماتدرس السوق ودا خلاها تخسر
- .النص الثاني من
- 2025 شكله هيكون افضل ، بس لازم تركز و تستغلها في الوقت الصح اللي درس كويس كسب، واللي تسرع بيعيد حساباته دلوقتي. السوق
- مليان فرص جديدة، لكن أهم درس نتعلمه؟ فكر قبل ما تتحرك.
الريسيل وضعه صعب جدا وبيحط السوق دلوقتي في حجمه الطبيعي ..

